Մենք առաջարկում ենք միաշերտ մեկփեղկանի դռների վերանորոգման արդյունավետ տարբերակ՝ դռան փեղկի ամրացում մետաղական թիթեղով:

Տվյալ դեպքում փեղկը դռան ուղղանկյունաձև կառուցվածքն է՝ դրա շարժական հիմնական մասը՝ առանց դռնաշրջանակի, երեսկալների, ծխնիների և այլ փականակազմի (ֆուրնիտուրայի):

Շենքի մուտքի դռան հիմնական գործառույթը կողմնակի անձանց ներթափանցումից պաշտպանելն է, հետևաբար, բացի պատշաճ արտաքին տեսքից, նման կառուցվածքը պետք է օժտված լինի բարձր ամրությամբ:

Ըստ փեղկերի քանակի՝ դռները լինում են մեկփեղկանի և մեկուկես փեղկանի

Մեկուկես փեղկանի մուտքի դուռը բաղկացած է տարբեր լայնություն ունեցող երկու փեղկերից: Մուտք ու ելքի համար հիմնականում օգտագործվում է միայն լայն փեղկը, իսկ մյուսը կիրառվում է անհրաժեշտության դեպքում, օրինակ՝ մեծ եզրաչափեր ունեցող առարկաներ տեղափոխելիս:

Մեկփեղկանի մուտքի դուռը դռների ամենապարզ տեսակն է, որը բաղկացած է մեկ ամբողջական դռնափեղկից:

Միաշերտ մեկփեղկանի դռան ամրացման ամբողջական արժեքը ներառում է․ 

• Դռնափեղկի ամրացում մետաղական թիթեղով՝ սկսած դռան բռնակի բարձրությունից մինչև կանչի վահանակի ստորին մասը:
• Դռնափեղկի ներկում ներսից և դրսից՝ «3-ը 1-ում» հակակոռոզիոն գրունտ-էմալով: 
• Մետաղական անկյունակի եռակցում՝ փականի և դովոդչիկի տեղադրման համար: 
• Հին կոդային փականի ապամոնտաժում

Աշխատանքների ցանկը՝ մուտքի դռան օրինակով.

Հնարավոր է, որ մասնագետի կողմից Ձեր հասցեում գտնվող մուտքի դռան զննման ժամանակ ի հայտ գան լրացուցիչ աշխատանքների անհրաժեշտություն:

Ամենահաճախ հանդիպող խնդիրը թույլ դռնաշրջանակն է: Եթե մասնագետը հայտնաբերում է նման թերություն, ապա առաջնահերթ անհրաժեշտ է ամրացնել շրջանակը՝ դռան երկարաժամկետ և հարմարավետ շահագործումն ապահովելու համար: Անբավարար ամրություն ունեցող դռնախորշում դռան տեղադրումը կամ վերանորոգումը լի է բացասական հետևանքներով, մասնավորապես դռան բլոկը կարող է թեքվել (նստել), ինչը միանշանակ կհանգեցնի փակման հետ կապված խնդիրների:Դռնափեղկը կսկսի հարվել կամ քսվել դռնաշրջանակին: Դուռը փակելու համար կպահանջվեն հավելյալ ջանքեր, իսկ դռան և շրջանակի մետաղը կսկսի ենթարկվել կոռոզիայի, ինչի հետևանքով դուռը կկորցնի իր պատշաճ արտաքին տեսքը: 

Բացի այդ, դռան արդյունավետ աշխատանքն ապահովելու համար մասնագետը կարող է մատնանշել հետևյալ լրացուցիչ աշխատանքների անհրաժեշտությունը. 

• դռնափեղկի կտրում՝ եռակցմամբ կամ առանց, 
• ծխնիների վերանորոգում կամ փոխարինում, 
• անցքերի եռակցում, 
• բռնակի վերանորոգում, փոխարինում կամ ապամոնտաժում, 
• նստվածքների կամ փոսերի ուղղում, 
• դռնաշրջանակի պարագծային փրփուրապատում (բացի շեմից), 
• լրացուցիչ ամրացնող տարրերի (ձողերի) տեղադրում:
• ծխնիների յուղում:
• դռան հպման (փակման) շտկում:
• փայտե երեսպատման ապամոնտաժում:

Մեր ընկերություն դիմելու պահից ի վեր մեր մասնագետը կներկայանա Ձեր կողմից նշված հասցեով՝ Ձեր հետ նախապես համաձայնեցված ժամին։ Տեղում կիրականացվի շքամուտքի (մուտքի) դռան մանրամասն զննում և լուսանկարահանում՝ հետագա գնահատման ու արժեքի ճշգրիտ հաշվարկելու համար։ Զննումից հետո կկազմվի ծառայության արժեքի ամբողջական հաշվարկը։ Դրանից հետո ընկերության աշխատակիցը կկապվի Ձեզ հետ և կներկայացնի հաշվարկի երկու տարբերակ՝ առավել նպատակահարմար տարբերակն ընտրելու հնարավորությամբ։ 

Հաշվարկը կտրամադրվի PDF ֆայլի տեսքով, որպեսզի հարմար լինի կիսվել հարևանների հետ և քննարկել շքամուտքի ընդհանուր չաթում, եթե այդպիսին կա։